Рамазан айының берекесіне орай “Әзрет Әли" мешітінде қайырымдылық шарасы ұйымдастырылып, 30 мұқтаж отбасыға азық-түлік таратылды.

Игі іске мешіт жамағаты мен демеуші азаматтар қолдау көрсетіп, әр отбасыға күнделікті тұрмысқа қажетті өнімдер үлестірілді.  Бұл шара мұқтаж жандарға қолдау көрсетіп қана қоймай, жамағат арасындағы бірлік пен жанашырлықты нығайтуға үлес қосты.

Жабырай келе жадыраған жандар өз ризалықтарын айтып, қариялар батасын берді. 

Тараз қалалық “Әулие ата” мешітінің баспасөз қызметі.