Жуалы ауданы, Қошқарата ауылдық «Дәурен» мешітінде Рамазан айының құрметіне орай қайырымдылық шарасы ұйымдастырылды.

Шара аясында ауыл имамы Кемерханұлы Нұрмахан және ауыл азаматы Орынбасарұлы Бауыржан көпбалалы отбасына азық-түлік себетін табыстады. Игі іс арқылы олар мұқтаж жандарға қолдау көрсетіп, сауапты амалды жүзеге асырды.

Жалпы, қасиетті айда ауыл мешітінің ұйытқы болуымен көптеген қайырымдылық іс-шаралары өткізіліп келеді. Жамағаттың жұмыла атқарған сауапты істері арқылы қоғамдағы мейірімділік пен жанашырлық арта түсуде.

Жуалы аудандық мешітінің баспасөз қызметі.