"Құлбайымбет" мешітінде қасиетті Рамазан айына орай қайырымдылық іс-шарасы ұйымдастырылды. Игі шараға мешіт молдасы Мәдиұлы Нұржан және 1973 жылы туған ауыл азаматтары ұйытқы болып, төрт көпбалалы отбасыға азық-түлік себеттерін үлестірді.

Ауыл молдасы демеушілік танытқан азаматтарға алғысын білдіріп, олардың жанұяларына береке-бірлік тілеп, ақ батасын берді. Қайырымдылық шарасына қатысушылар мұндай игі істердің жалғасуына ниет білдірді.

Жуалы аудандық мешітінің баспасөз қызметі.