Жамбыл облысы Тұрар Рысқұлов ауданына қарасты барлық ауылдық мешіттерде Қасиетті Рамазан айының құрметіне тарауих намазына келген жамағатқа күнделікті уағыз айтылуда. Уағыздар муфтият бекіткен тақырыптар бойынша, сонымен қатар, ауызбіршілік, ынтымақты сақтау, отансүйгіштікке баулу және қоғам тазалығы жайлы да қосымша насихатталуда.

Қазіргі уақытта Аллаға мінәжат етуші жамағаттың, соның ішінде жастардың қарасы күн санап көбеюде. Осы мүмкіндікті пайдаланып, мешіт имамдары жамағатты бірлікке, ізгі амалдарға жұмылдырып, жақсы жаққа бағыттауда.

Қуаныш Түзелбеков 

Рысқұлов аудандық мешіттің баспасөз қызметі