Жайсын ауылындағы «Жанабай баба» мешіті Рамазан айының құрметіне қайырымдылық шарасын ұйымдастырып, жергілікті мұқтаж отбасыларға көмек көрсетті.

Игі бастама аясында төрт отбасыға 50 000 теңге көлемінде қажетті тағамдар мен тұрмысқа қажет өнімдер жеткізілді.

Шараны ұйымдастырушылар бұл қайырымдылықтың басты мақсаты – Рамазан айының берекесін бөлісу, мұқтаж жандарға көмек қолын созу екенін атап өтті. Сонымен қатар, жиналған жамағат ауызбіршілік пен мейірімділік жайында жылы лебіздерін білдіріп, игі дәстүрдің жалғаса беретінін жеткізді.

Шу аудандық «Жәми» мешітінің баспасөз қызметі.