«Ислам және отбасы құндылығы» жылы аясында 1 ақпан – Дүниежүзілік хиджаб күніне орай «Жүніс молда» және «Меркі ата» мешіттерінің әйел-қыздар жамағаты бас қосты.

Жиын барысында ұстаздар тарапынан уағыз-насихат айтылып, дін мен дәстүр сабақтастығы жөнінде пайдалы ақпараттар берілді. Сонымен қатар, сұрақ-жауап ойындары ұйымдастырылып, рухани сұхбат өрбіді.

Іс-шараның ерекше сәті – әпке-қарындастардың бір-біріне орамал сыйлап, ізгі тілектерін арнауы болды. Бұл игі дәстүр жамағат арасындағы сыйластық пен бірлікті нығайта түсті.

Жиналған әйел-қыздар қауымы ұстаздарға ризашылықтарын білдіріп, ұйымдастырушыларға алғыстарын айтты.

Меркі аудандық «Меркі ата» мешітінің баспасөз қызметі