Марокко билігі шариғат заңдарын реформалады, оның ішінде әйелдердің отбасы мен жұмысындағы құқықтарын белгіледі. IslamNews сайтының хабарлауынша, өзгерістер король VI Мұхаммедтің жарлығымен енгізілген. Олардың мақсаты – заманауи әлеуметтік-экономикалық өзгерістерге сәйкес әйелдердің құқықтарын нығайту және отбасындағы тепе-теңдікті қамтамасыз ету.

 Отбасылық кодекске енгізілген негізгі өзгерістер әйелдің үй жұмысын ортақ мүлікке қосқан үлесі ретінде тануды қамтиды: бұл жаңалық әйелдің ажырасқан жағдайда немесе жұбайы қайтыс болғаннан кейін отбасы мүлкіндегі үлесін әділ түрде алуына кепілдік береді. Бұл шара күйеуі қайтыс болғаннан кейін әйелі мен балаларының тұрақтылығын қамтамасыз етуге бағытталған. Ерлі-зайыптылар арасындағы ортақ қарыздарды бөлу: ортақ жауапкершілік принципін күшейтеді. Бала тәрбиелеп отырған аналарға қорғаныш құқықтарын беру отбасындағы әйелдердің рөлін күшейту және балалардың құқықтарын қорғаудағы маңызды қадам болып табылады.

Марокконың Жоғары ғылыми кеңесі: «Мен тыйым салынғанға жол бермеймін және рұқсат етілгенге де тыйым салмаймын» деген қағиданы басшылыққа алғаны атап өтті.

Марокконың отбасылық кодексін қайта қарау әйелдердің құқықтарын нығайтады және әлеуметтік трансформацияға сәйкес шариғатта айтылғандай әділдікке, отбасындағы тепе-теңдікке жеткізеді. Бұл еңбек пен реформалар Марокколық мұсылман отбасылар үшін әділ және тең болашаққа жеткізетін отбасы құқығының инновациялық моделін құруға деген ұмтылысын көрсетеді, деп атап көрсетеді корольдік билігі.