Тараз қаласының бас имамы Аманбаев Ержан қала имамдарына “Ізгі қоғам жастары” атты семинар өткізді. Семинар барысында жастардың рухани, мәдени және әлеуметтік дамуындағы діннің рөлі, сондай-ақ жастарды ізгілікке тәрбиелеу мәселелері талқыланды.

Имам Ержан Аманбаев қатысушыларға жастар арасында моральдық-этикалық құндылықтарды нығайту, теріс ағымдарға қарсы иммунитетті қалыптастыру және жастардың қоғамдық белсенділігін арттыру қажеттілігі туралы айтып өтті. Семинарда жастардың дінге деген қызығушылығын қалай арттыруға болатыны, оларға рухани жетекшілік жасау жолдары қарастырылды.

Шарада имамдар өзара тәжірибелерін бөлісіп, жастармен жұмыс істейтін тиімді әдістер мен бағдарламаларды талқылады. Семинар соңында қатысушылар сұрақтарын қойып, оларға жауаптар алынды. Жиынға қала имамдары мен діни қызметкерлер белсенді қатысып, жастар тәрбиесіне қатысты тың идеялар мен ұсыныстарын ортаға салды.