Жамбыл облысы Байзақ ауданының бас имамы Қанат Әділханұлы IV аймақ имамдарына «Ізгі қоғамның ерекшеліктері» тақырыбында семинар өткізді.

Семинар барысында Қанат Әділханұлы ауыл имамдарына: «Адам баласы қауымдасып өмір сүруге бейім жаратылған. «Жалғыздық Құдайға ғана жарасқан» деген ұғымды ұғынған халқымыз. Біздің қазақ «Көппен көрген ұлы той» қағидасын өміріне қазық еткен. Кез келген қоғамның өзіне тән өмір сүру дағдысы мен сан ғасырдан бері қалыптасқан дәстүрі болады. Адамның тіршілік ету мәдениеті өзі өмір сүріп отырған қоғамдық құндылықтарға бейімделеді. Қалыптасқан құндылыққа «бағынбаған» пенде өзін де, өзгені де игілікке кенелте алмасы анық», - деді.