Меркі ауданына қарасты «Жүніс молда» мешітінде  мәуліт айынының құрметіне  Назарбаева Бота ұстаздың  ұйымдастыруымен әйел – қыздар жамағатына «Сағындым сені – Расул Алла» атты мерекелі іс – шара өтті.

Игі іс – шара барысында ардақты Пайғамбарымыздың (Алланың салауаты мен сәлемі болсын) өмірбаянынан насихат айтылды. Алла Елшісінің (Алланың салауаты мен сәлемі болсын) Пайғамбарлық кезеңінен бастап өмірінің соңына дейінгі аралыққа қатысты сұрақ – жауап ойыны ұйымдастырылды. Жиынға қатыстқан әйел жамағаты өздерінің көкейінде жүрген сұрақтарын қойып, тұшымды жауаптарын алып, сұхбат құрып, имандасып рухани нәр алып қайтты.