Жиенбет ауылы «Жиенбет Жексенбай» мешітінде имам Шүкірәлі Оспанбекұлының ұйымдастыруымен жасөспірімдер арасында Құран Кәрімді жатқа оқу жарысы өткізілді. Жарысқа әр ауылдан жиналған 30-ға жуық шәкірт қатысты.

3 номинация бойынша өткізілген жарысқа «Төле би» мешітінің имамы Талғат Кәрібайұлы мен ұстаз Қадіров Нұрмұхаммет қазылық етті. Әділқазылар шешімімен жеңімпаздар мен барлық қатысушыларға қаржылай сыйлықтар үйлестірілді.

Сонымен қатар, ауыл қарттарына шапан жауып сый-құрмет көрсетілді. Шара соңында қатысушылар мен көрермендерге мешіт асханасында дастархан жайылып, уағыз-насихат өткізілді.

Шу ауданы «Жәми» мешітінің баспасөз қызметі