Меркі аудандық «Жүніс молда» мешітінің имамы Қасымалиев Дастанның бастамасымен және  ұстаз Есеналиев Еламанның ұйымдастыруымен «Жүніс молда» мешітінде «Имани жаз - 2024» шәкірттеріне арналған «Қоштасу кеші» өтті. Жазғы сауат ашу курсына 90 шәкірт қатысып, бағдарлама бойынша курсты аяқтады.

Салтанатты кеш мешіт шәкірті Исак Мейіржанның қасиетті Құран Кәрімді оқуымен басталып, Еламан ұстаздың насихат айтуымен жалғасын тапты. Іс-шарада шәкірттерге сертификаттар және «Имандылық әліппесі» кітабы сыйға берілді.

Игі шара соңында мешіт асханасында балалар мен ата-аналарға арнайы дастархан жайылды.