Жамбыл облысы Байзақ ауданының бас имамы Қанат Әділханұлы «Байзақ баба» мешітінде ауыл имам-молдаларының жиналысын өткізді.

Жиналыста Қанат Әділханұлы «Һибатулла Тарази» медресе колледжіне шәкірт тарту, дуальды оқуға түсетін имамдардың құжаттарын жинақтау, «Мектепке жол» акциясын ұйымдастыру, имамы жоқ мешіттерге маман тарту және бес аймақтың жұмысын жандандыру, жаңадан салынып жатқан мешіттердің құжаттарын рәсімдеу сыңды мәселелер айтып өтті.

Жиналыста аймақ жетекшілері Рахымбек Кенжебайұлы Үлгілі ауылдық мешітінің құрылысы мен «Қостөбе» мешітіне маман тарту жайында сөз қозғаса, Бауыржан Жұмабайұлы «Түймекент» мешітінің құрылысының барысы мен аяқталу уақытын баяндады.