Меркі ауданы Қазақдихан ауылында үлкен ас берілді. Әбу Һұрайра (Алла оған разы болсын) риуаят еткен пайғамбарымыздың (Салауаты мен сәлемі болсын) хадисінде былай делінген: «Адам баласы дүние салғаннан соң оның амалы тоқтайды. Тек мына үш амалдың сауабы иесіне үздіксіз жетіп тұрады. Олар: Садақа жария, пайдалы ғылым, артынан дұға қылатын салихалы перзент».

Осы орайда Қазақдихан ауылында марқұм Низабек атаның ұрпақтары ел-жұрттың басын қосып, өмірден өткен ата-баба рухына Құран бағыштап дұға жасап, үлкен ақ дастархан жайып ас берді. Жиын барысында аудан бас имамы Азамат Берікұлы уағыз-насихатын айтып, ауыл ақсақалдары батасын берді. Марқұым Ниязбек атаның немере-шөберелерінің арасында Құран жарысы ұйымдастырылып жүлделі орын алғандарға ақшалай сыйлықтар табыс етілді.

Алла Тағала ұрпақтарының ата-бабалары үшін жасаған игі амалын қабыл қылсын!

Меркі аудандық «Меркі ата» мешітінің баспасөз қызметі