Қазақстан мұсылмандары діни басқармасының «Munara TV» телеарнасы Құрбан айттың алғашқы күні мерекелік шығарылым ұсынады.

Республикалық Бас мешіттен арнайы хабар таратылмақ. Көрерменге таңғы 05:00-ден бастап 2 сағат бойы тағылымды бағдарлама әзірленуде. Онда ҚМДБ Төрағасы, Бас мүфти Наурызбай қажы Тағанұлы мен мүфтият ұстаздарының уағыз-насихатын, сұхбатын тыңдай аласыз. Сондай-ақ Бас мешіттің сахан аймағында өтетін түрлі тартысты сайыстар, ұлттық ойындарды назарыңызға ұсынамыз. 16 маусым күні «Munara TV» телеарнасының тікелей эфирінен және YouTube парақшасынан көруге асығыңыз, ағайын!