Қордай ауданы, Алға ауылы тұрғындары мен мешіт жамағаты құрбандық шалып, тасаттық берді. Аудан бас имамы Алмуханбетаранжан Егизбаев арнайы өзі қатысып, тасаттықтың маңыздылығын, оның қалай атқарылатындығы мен сауабы жайында түсіндірді. Содан кейін шариғат талаптарына сай Алла Тағаладан жауын тілеу намазы мен дұғасы оқылды.

 Мұсылман бауырларымыздың тілектері қабыл болып, биыл егілген тұқым бітік шығып, қамбамыз мол астыққа толсын! Диқандардың еңбегі жанып, ырыс-берекесі арта берсін!

Аудандық «Қордай» мешітінің баспасөз қызметі