1 маусым – Балаларды қорғау күні аясында ҚМДБ «Зекет және қайырымдылық» қоры балдырғандарға қуаныш сыйлап, мерекелік шаралар ұйымдастырды.

Алдымен Мақсатбек Мақсотұлы бастаған қор ұжымы аз қамтылған, көпбалалы отбасыларға қаржылай көмек көрсетіп, балаларды сыйлықтармен қуантты. Мейірімге толы мерекеде балалармен еркін әңгімелесу жүріп, «Зекет және қайырымдылық» қорының балаларға әкелген базарлығынан сыйлықтар үлестірілді.

Бұдан кейін сауықтыру ойындары ұйымдастырылып, балалар төл мерекесінде садақ атуға машықтанды. Салауатты өмір салтына баулитын спорттық ойын барысы қызықты өтіп әрі балаларға көтеріңкі көңіл-күй мен сергектік сыйлады.

Сондай-ақ «Зекет және қайырымдылық» қоры  ата-ана қамқорлығынан айырылған жетімдер үйіндегі балаларға көңілді әрі мазмұнды сергіту сәтін ұйымдастырды. Балалар кинотеатрда тәттілермен қызықты мультфилм көріп, мереке күнін есте қаларлықтай тамаша өткізді.