Ата-бабамыз осындай қысқа жіп күрмеуге келмейтін қысылтаяң шақтарда ауызбіршілікті, адалдықты, ынтымақты ту етіп көтерген. Әсіресе, көптің мәселесін қара бастың қамынан жоғары қойған. «Бір үй аш болса, бір ауыл аш, бір ауыл аш болса, бүкіл ел аш» деген қағиданы берік ұстанып, адам тағдыры ұлыс тағдырымен тығыз байланысты екенін қапысыз таныған. «Қыран жемін шашып жейді, құзғын жемін басып жейді» деген мақалдың мәніне терең бойлап, жалғыз өзі тойғанша жұртпен бірге қиналуды жөн көрген.

Қанға сіңген қасиет пен ислам насихаты Шу имамдарын жиі қайырымдылық жасауға жігерлендіреді. Шу  қаласы "Айтқұл баба" мешітінің ұйымдастыруымен мүмкіндігі шектеулі, мұқтаж отбасыларға қайырымдылық жасалды. 1 қой сойылып, еті және азық-түлік таратылды. Көмек алғандар алғыстарын айтып, үлкендері батасын берді. 

Шу аудандық "Жәми" мешітінің баспасөз қызметі