«Қайырымдылық жасасаң, қайырын өзің көресің», – дейді қазақ. Иә, жоқ-жітікке қарасу, жылағанды жұбату, сүрінгенді сүйеу, мұқтаждардың талған өзегіне талғажау табу – халқымыздың бойында ежелден қалыптасқан қасиет. Адам бар жерде тұрмыстық түйткілдердің тумауы мүмкін емес.

Көпшілікке көмек қолын созу мақсатында Шу аудандық "Жәми" мешіті мүмкіндігі шектеулі, жетім-жесір, көпбалалы 8 отбасыға қайырымдылық жасады. Аудан бас имамы Алмас Кенжемолдаев өзі бастап аталған отбасыларды зиярат етті. 50 000 теңге көлемінде азық-түліктерді табыстап, хал-ахуалдарын біліп, жылы лебізін білдіріп қайтты. 

Шу аудандық "Жәми" мешітінің баспасөз қызметі