Адам өз ұрпағына қайырымдылықты жастайынан үйретіп, адамгершілік қасиеттерге баулуға ұмтылады. Біреуге жақсылық, жан-жануарларға, табиғатқа камқорлық жасау — қайырымдылықтың көрінісі. Рақымды, мейірімді, жан жылуы мол адамды қайырымды адам дейді. Ал ешкімге жаны ашымайтын, жүрегінің жылуы жоқ, қатыгез адамды қайырымсыз деп атайды. Қайырымдылықты - мүсіркеушілік және жарылқаушылық деп те түсінуге болады. Ол кейде кедей-кепшік, жарлы-жақыбай жандарға көмектесумен, қайыр садақа берумен де көрініс табады.  

Шу аудандық "Жәми" мешітінде 25 отбасыға "Рамазан қоржыны" таратылды. Аудан бас имамы Алмас Кенжемолдаевтың ұйымдастыруымен мұқтаж, әлеуметтік жағдайы төмен отбасыларға пітір-садақасынан қайырымдылық үлестірлді. Отбасылар алғысын айтып, үлкендері бата берді. 

Шу аудандық "Жәми" мешітінің баспасөз қызметі