Жамбыл ауданы, Ақбұлым ауылы, «Нұртай ата» мешітінің молдасы Сабит Естековтың ұйымдастырумен рамазан айында қайырымдылық жасап, 20 отбасыға 520 000 теңге қаржыны құрайтын азық-түлік таратты.

Пайғамбарымыз: «Жақсылық жасаңдар, қайырымды болыңдар», – деген өсиет қалдырған. Дана Халқымыз: «Қайырымдылық жасасаң, қайырын өзің көресің», – дей келе жақыны мен туысына кең болып, жәрдемдесуге шақырған. Алла баршамыздың ізгі амалдарымызды қабыл етіп, елге, жерге пайдасы тиетін мұсылмандар болуымызды нәсіп етсін.