Жамбыл облысы Байзақ ауданы «Байзақ баба» мешітінің ұйымдастыруымен «Ислам және дәстүр құңдылықтары» жылы аясында жас отбасыларға ауызашар беріліп, оларға дәстүр құңдылықтары насихатталды.

    Шараға Байзақ ауданының бас имамы Қанат Әділханұлы қатысып: «Дін мен дәстүрдің қоғамдағы алатын орны жоғары, ұлттық құндылықтар дұрыс қалыптасу үшін де атқарар маңызы өте зор. Дін – адамдық ізгі қасиеттерімізді асқақтатса, салт-дәстүр – ұлт болып қалыптасуымыз үшін қажет.

Әр халықтың өзіне тән қоғамның дамуына байланысты ерекшеліктері болады. Мәселен, еліміздің ұлан-байтақ жерді алып жатуының өзі ғасырлар бойы халқымыздың бойындағы батырлық пен ерлік дәстүрін тудырған. Қазақ – ұлттық дәстүрге ерекше мән беретін халық», - деп, «Дін мен дәстүр құңдылықтары» тақырыбында насихат айтты.

         Ауызашар дастарханына қатысқан жас отбасыларға мешіт атынан Рамазан сыйлығы берілді.