Қасиетті Рамазан айының құрметіне үлкен қайырымдылық шарасы ұйымдастырылды. Талас ауданы. Сәду Шәкіров ауылы. Байтоқты баба мешітінің имамы Оспанов Бақдәулеттің ұйытқы болуымен ауылдың кәсіпкер азаматтарының басын қосып, аз қамтылған 100 отбасына ет және азық-түлік таратып, үлестірді.

Өз кезегінде, Оспанов Бақдәулет Қасиетті Рамазан айы мейрімділіктің және жомарттылық айы екендігін тілге тиек етіп, кәсіпкер азаматтарға өз алғысын білдірді. Қайырымдылықтың жалпы сомасы үш миллион теңгені құрады.

"Байтоқты баба" мешітінің баспасөз қызметі.