Бас мүфти Наурызбай қажы Тағанұлының тапсырмасына сәйкес, ҚМДБ «Халал Даму» мекемесінің директоры Айбек Асқарбекұлы мен Алматы облысының бас имамы Мадияр Тағайбайұлы өңірдегі «Otan Green Food» және «Прима құс» фабрикаларында бақылау-қадағалау шараларын жүргізді.

«Тексеріс барысында құстардың жем-азығының таза болуы, құсты шариғатқа сай қолмен бауыздауы секілді өзге де стандарт талаптарының орындалуы қадағаланды. Аудит қорытындысы бойынша, шариғат шарттары мен халал стандарты ережелерін бұзу жағдайлары тіркелмеді», – дейді А.Асқарбекұлы.

Бақылау-қадағалау шараларынан кейін құс фабрика қызметкерлеріне арнайы оқу-семинар өткізіліп, қатысушылар сұрақтарына жауап берілді.