Меркі ауданына қарасты барлық мешітте қасиетті жұма күні «Алланың назары –жүректе» тақырыбында уағыз-насихат айтылды. Аудан имамдары иманның жүректе екенін, жүректің дұрыс болуының маңыздылығын, жүректің түрлері мен дерттерін, одан құтылу жолдарын егжей-тегжейлі түсіндіріп берді.

Сонымен қатар, мүмін адам әркез жүрегіне үңіліп, оның түрлі дерттерден ада болуына үлкен мән беруі керектігін атап өтті.

Жаратқан Алла баршамызды рухани кеселден сақтап, жүрегімізді иман нұрымен нұрландырып, қасиетті жұма күнгі дұға-тілектерімізді қабыл еткей!

 Меркі аудандық «Меркі ата» мешітінің баспасөз қызметі