Шу аудандық Ішкі саясат бөлімінің мамандарының ұйымдастыруымен Жаңажол ауылында әзірбайжан ұлтымен кездесу жасалды. Шараға "Төле би" мешітінің имамы Талғат Кәрібайұлы қатысып, көпшілікке насихат айтты. 

Имам бірлік турасындағы уағызында: "Ислам жеке тұлғаның, отбасының, қоғамның, қала берді бүкіл ғаламның бақыты мен бейбітшілігін қалайтын дін. Үлкендерге құрмет көрсету, кішілерге мейірімді болу, ата-анаға бойсұнып, туған-туысқандармен жақсы қарым-қатынасты нығайту, әсіресе басшыға бағыну дініміздің нақ әмірі. Ал, оны орындаған кісі кіші отаны болған отбасының бақытын қамтамасыз етеді. Өзіне, отбасына пайдалы болған әрбір жан өзі өмір кешіп жатқан алтын ұясы отанының бейбітшілігін сақтай түседі. Отанының амандығын қалаған адам әлемнің бейбітшілігін тілері сөзсіз ақиқат" - деп атап өтті.

 Шу аудандық "Жәми" мешітінің баспасөз қызметі