Жамбыл облысы Байзақ аудандық «Байзақ баба» мешіті тоғыз жолдың торабында орналасқан. Көптеген жолаушылар мешітімізге келіп намаздарын оқып кетіп жүреді. Кей жолаушылар жолдан қысылып, көлігі бұзылып немесе басқа жағдаймен Алла үйіне келіп көмек сұрайды. Осындай жағдаймен келген жолаушының бірі Абдурахим бауырымыз. Тәжікстан елінің азаматы жолдан қысылып мешіт ұжымынан қаржылай көмек сұрады.

Имамдар жиналған жамағатқа келген кісінің жағдайын түсіндіріп, мешіт атынан қаржылай көмек көрсетті. Берілген қаражаттың мөлшері 50 000 теңгені құрады.