Жамбыл облыстық "Һибатулла Тарази" мешітінде әйелдер жамағатына арналған "Ана болудың діндегі орны" атты семинар өтті. Іс-шараға ҚМДБ-ның Жамбыл облысы бойынша Әйел-қыздар секторының жетекшісі Жазира Иманалиева бастаған әйелдер қауымы, шәкірттер қатысты.

Аталған мешіттің наиб имамы Нұралы Бақытұлы семинар барысында қыз-келіншектерге денсаулық турасында мардымды насихат айтты. Әсіресе дүниеге бала алып келіп, үйдің тіршілігінен қолдары босамайтын нәзік жандыларға Алланың аманат деп берген денсаулығына мән беріп, күтінулерін үгіттеді. 

Исламдағы әйелдің орны, мәртебесі жайлы да тілге тиек етіп, көпшіліктің сұрақтарына жауап берді. 

Ақерке Бекқұлова

"Һибатулла Тарази" мешітінің баспасөз қызметі