Қордай ауданы, Әлжан Ана ауылындағы «Құдайберген» мешітінің салынғанына 20 жыл толып отыр. Соған байланысты аудан қаймақтары саналатын ардагерлер мүшелері мен ақсақалдар, ауыл билері мен жақын аймақтағы имамдар және ауыл тұрғындарының қатысуымен мерей-той аталып өтті. Жиынды Құран оқумен бастаған ауданның бас имамы көпшілікке мешіт салудың артықшылығы турасында келелі насихат жүргізді.

Кеш ауданның бетке тұтарлары мен ел алдындағы ағалардың жылы лебіз, ізгі тілектерін білдірумен жалғасты.

Жер бетіндегі Алланың үйін тұрғызушы Сатылғанов Ержан Жұмабайұлына Пайғамбар хадисінде айтылғандай Алла Тағала да жәннаттан ол кісі үшін бір сарай тұрғызсын деген ізгі тілекпен ауданның бас имамы алғысхат табыстады.

                                 Аудандық Қордай мешітінің баспасөз қызметі