Жамбыл ауданы Бесағаш ауылы «Бесағаш» мешітінде ауыл имамы Керимов Айтжан жас балаларға арнап намаз оқу тәртібін үйретті.

«Жәннәттің кілті – намаз, намаздың кілті – дәрет» демекші, мешіт имамы жеткіншектерге дұрыс дәрет алу реттілігімен таныстырып, үйретті. Намаз оқуды үйреткен имамға ауыл балалары өз алғыстарын білдірді. Намаз – діннің тірегі, құлшылықтың ең абзалы. Исламның негізгі бес парызының бірі.

Намаз – өзін мұсылман санайтын кісіні Жаратушысына мойынсұндырып, қанағат пен өзге де қайырлы қадамдарға бастайтын ғибраты мол ғибадат. Сондай-ақ, ол – жат әдеттер мен арсыздықтан тыятын, азғындықтан сақтайтын құлшылық һәм рухани азық. Қысқасы, намаз – жұмақтың кілті. Сондықтан намазды дұрыс орындау – мұсылмандар үшін ең маңызды міндет. 

Жамбыл адандық мешітінің баспасөз қызметі