Меркі ауданының бас имамы Азамат Берікұлының бастамасымен аудан имамдары келелі жиында бас қосты.

Аудан имам-молдаларының басын қосқан жиында V Республикалық имамдар форумында қабылданған "Қажының рухани келбеті" тұғырнамасы, "Қазақстан мұсылмандары діни басқармасының рухани және ұлттық құндылықтарды насихаттаудағы рөлі", "Имамның жамағат намазын өткізу тәртібі" құжаттары таныстырылды.

Мешіт қызметкерлеріне бірқатар тапсырмалар беріліп, 5 уақыт намазда мешіт имамы мешітте болу керек екендігін атап өтті.

Алла Тағала елімізге, жерімізге амандық, жүректерімізге имандылық берсін!

Меркі аудандық «Меркі ата» мешітінің баспасөз қызметі