Мәскеу соборлық мешіті ұзақ жөндеу жұмыстарынан кейін 25 қыркүйекте, яғни, Құрбан айт мейрамында ашылатын болды. Бұл туралы Бас мүфти Равиль Гайнутдин басқарманың кезекті жиналысында хабарлады.

Мүфти құрылыс жұмыстарының жоспар бойынша жүріп жатқандығын да атап өтті. Сондай-ақ, бас қосуда ашылу салтанатына арналған дайындық жұмыстарына тапсырмалар берілді.

Салтанатты жиынға Ресейдің жоғары лауазымды адамдары және барлық мұсылман елдерінің көшбасшылары қатысады деп күтілуде. Жөндеу жұмыстарынан кейін мешітке бір мезгілде 10 000 адам құлшылық жасауға мүмкіндік алады.

asylarna.kz