Измирдің Каршыйака ауданындағы Бостанлы Бешикоғлы мешітінің имамы Адем Уранның кенже ұлы 31 жастағы Халит Уран кеше кешкісін өзін жайсыз сезініп, жекеменшік ауруханаға жүгінген.

Онда тамырдан дәрі қабылдап, ем-домы жасалғаннан кейін Халит үйіне босатылған. Үйіне оралғаннан кейін белгісіз себептермен тағы да жағдайы күрт нашарлаған. Жақындары тез арада жедел жәрдем қызметкерлерін шақыртады.

Жедел жәрдем көлігімен науқасты басқа бір жекеменшік ауруханаға апарар жолда жігіттің жүрегі тоқтап қалған. Дәрігерлер қолдарынан келгенін жасағанымен, оның өміріне араша бола алмады. «Халит шамамен 1 айдан соң алғаш рет әке атанар еді», - дейді қан жұтқан жары Ханде Уран.

Күні кеше ғана сау жүрген апталдай азаматтың аяқасты өлімі жанұясы мен туыстарын көз жастарының астында қалдырды. Жаназа намазын имам әкесі оқыды. Ұлының намазын шығарарған имам аяқта әзер тұрды. Бұл оның ең ауыр әрі қасіретке толы міндеті еді. 

hibatulla.kz