Аудандық орталық мешітте Ақтөбе облыстық  орталық «Нұр-ғасыр» мешітінің найб имамы, Ақтөбе облысы бойынша «жат діни ағымдардан сақтандыру» бағытына жауапты маман Смағұлов Нұрбол қонақта болды. Қазақстан мұсылмандары діни басқармасының дін мамандарын 15 күндік тәжірибе алмасу бағдарламасы бойынша қонақтап келген ұстаз, құптан намазына жиналған жамағатқа насихат жүргізді. Алыстан ат терлетіп келген қонақты жамағатқа ауданның бас имамы таныстырды.

Айта кетейік, Смағұлов Нұрбол ұстаз Астана медресесінде білім алған. Сонымен бірге Алматы қаласындағы «Нұр мүбарак Египет ислам мәдениеті» университетін Исламтану мамандығы бойынша бітірген.

Қордай аудандық мешітінің баспасөз қызметі