Жамбыл облысы Байзақ ауданы «Байзақ баба» мешітінде Қанат Әділханұлының жетекшілігімен ауыл имам-молдалары тәжірбие алмасу мақсатында Ақтөбе облыстық «Нұр ғасыр» орталық мешітінің наиб имамы Нұрбол Берікболұлымен кездесу өтті.

Жиналыста Қанат Әділханұлы Байзақ ауданында атқарылып жатқан жұмыстарды Нұрбол Берікболұлына баяндады.

Байзақ ауданына қарасты 34 мешіт бар. Осы мешіттердің жұмыстарын жандандыру мақсатында ауыл мешіттерін бес аймаққа бөлдік. Әр бір аймақ жетекшілері өздеріне қарасты ауыл мешіттерінің қызметін қадағалап діни басқармадан келген тапсырмаларды дер кезінде орындау болып табылады және мешіт жанынан әдеп кеңесі құрылып, имам-молдаларымыздың түйіткілді мәселелерін өз ара шешу жолдарын қарастыру», - деп баяндады.

Ауыл имамдары тәжірбие алмасуға келген Нұрбол Берікболұлына көкейлерінде жүрген сұрақтарын қойып, нақты жауаптарын алды.