Қытай соты ұйғыр азаматын сақалын ұзын етіп өсіргені үшін 6 жылға бас бостандығынан айырды.

Сонымен қатар, оның әйелі қоғамдық орында орамал тартып жүргені үшін 2 жылға сотталды. Шыңжаң-Ұйғыр автономиялық ауданының Қашғар қалалық округінде тұратын 38 жастағы азамат 2010 жылдан бастап сақал қоя бастаған.

Айта кету керек, Шыңжаң-Ұйғыр автономиялық ауданында жақында ғана Ислам атын жамылған лаңкестік топтармен күресу мақсатында орамал не хиджап киюге тыйым салатын заң шығарылды. Сонымен бірге, өңір үкіметі 1 жылдан бері ер азаматтарға сақал қоюға тыйым салды.

ҚХР-дың солтүстік-батысында орналасқан автономиялық ауданда көбінесе ұйғыр ұлтының өкілдері тұрады. Осы ұлттан құралған экстремистік топтар көптен бері Шыңжаңға автономия берілуін талап етіп келеді.

hibatulla.kz