Қайырымдылық – адамның бойындағы асыл қасиеттердің бірі. Қайырымдылық мұқтаж жандардың қажетін өтеудегі ізгіліктің нақты көрінісі болып табылады. Сондықтан да əрбір жан иесі қайырымдылық істеріне араласып, Жаратушының разылығын аңсаған халде бар ықыласымен мұқтаж жандарға қол ұшын беруі дұрыстың дұрысы.

Шу мешіттері аталған қайырымдылық шараларын үздіксіз өткізіп келеді. Осындай кезекті шара "Ж.Жексенбай"  мешітінде жасалып, мешіт атынан 3 отбасыға 1 қой еті мен азық-түлік жеткізіліп берілді. 

Әлеуметтік жағдайы төмен отбасыларға көршіліс ауылдың мешіті де аталған жұмалық науқан аясында бір қой сойып, етін 7 отбасыға таратқан болатын.

Шу аудандық "Жәми" мешітінің баспасөз қызметі