Шу ауданының бас имамы Бахтияр Амантайұлы орталық мешітке жиналған жамағатқа "Жат ағымның алдын алу, сақтану жолдары" турасында уағыз жүргізді. 

Жат ниетті ағым бұқара халықты сонау ата-бабадан жалғасып келе жатқан дінінен үркітіп-шошыту мақсатында түрлі айлы-шарғыларын жасап әлек. Мәселен, исламның атын жамылған уаһһабилер, құраниттер, ахмадияшылар, хизбутшылар, тәкфіршілер секілді ағымдар ашық та, жасырын да ел ішінде теріс бағытта қызмет жасауда. Әсіресе, қазақтың дүниетанымына сай келетін Имам Ағзам Әбу Ханифа мәзһабын мойындамай, жоққа шығарғысы келетіндер әрекеті байқалады.  

Міне, осы турасында бас имам нақты білім мен теріс бағыттың зардабынан қорғайтын нақты қадамдарды түсіндіріп өтті. 

Шу аудандық "Жәми" мешітінің баспасөз қызметі