Жамбыл ауданы орталық «Бәйдібек» мешітінде қасиетті Құрбан айт мейрамына арналған арнайы іс-шара ұйымдастырылды. Аталмыш іс-шарада қазақтың ұлттық ойындары ойнатылып, ақ дастархан жайылып дәмнен ауыз тиілді.

Арқан тартыс, асық ату, ләңгі тегу, қол күрес сынды сайыстардан жеңіске жеткен жамағаттарға ауданның бас имамы Ғайырфулла Қуанышбекұлы арнайы сыйлықтар мен дипломдар табыс етті. Сонымен қатар, мешіт жанынан қазақтың киіз үйі тігіліп, дастархан жайылған болатын. Қасиетті Құрбан айт мейрамының құрметіне жасалып жатқан іс-шараға ауданнның ақсақалдары мен құрметті азаматтары, мешіт жамағаты қатысты.

Жамбыл аудандық мешітінің баспасөз қызметі