Жер тоңы жібіп, алғашқы көк дүркіреп шыға бастаған кезде шыбық қадап, тал отырғызу – сауапты іс. Өйткені, жерге шаншылған әрбір тал күтімі жақсы болса, күні ертең жапырағы дараққа айналып, жазда сая, қыста қамсау болады.

 Көктем шығысымен кентішілік аумақты көкжелекке айналдыруға көңіл бөлген Шу ауданы "Тоғай" мешітінің ауласына алма ағаштары отырғызылды.

Мешіт имамы Жанат Сагитовтың мұрындық болуымен құдық орны қазылып, мешіт айналасына сенбілік жұмытары жүргізілді. 

Мұхаммед (с.а.с) Пайғамбардың мұсылмандар қауымын тал отырғызуға үндеген мынадай хадисі бар. «Қандайда бір мұсылман ағаш егіп не егін ексе, одан адамдар, құрт-құмырсқа мен құстар жеп азықтанса, міндетті түрде өзіне сауап ретінде кері қайтады». Соған амал жасалып, көктеммен бірге мешіт ауласы жайнай берсін.

Шу аудандық "Жәми" мешітінің баспасөз қызметі