Жақын күндері Ресейде жүргізілген арнайы әлеуметтік сауалнама барысында елдегі азаматтардың көпшілігі діни карикатулардың жариялануына тиым салуды  қолдайтындықтарын жеткізген.

Сауалнама бойынша белгілі болғаны ресейлік азаматтардың 62% діни карикатураларды жариялауға жол бермеу керек деп санайды. Сонымен қатар, азаматтардың 89% ондай карикатуралардың Ресейде жариялануына мүлдем тиым салуды қолдайтындықтарын жеткізді.

Ал сауалнамаға жауап бергендердің 46%  Мұхаммед (с.а.у.) Пайғамбарға жасалған карикатураны «франциялық журналдың мұсылмандарды қорлаған жауапсыз іс-әрекеті» деп атаса, қалған 14% бұл жағдайды «Батыстың мұсылмандарға жасаған жоспарлы шабуылы» деп ойлайтындарын айтқан. Бұл туралы «Газета.ру» басылымы хабарлады.

Айта кетерлігі, сауалнамаға жауап берген  ресейлік азаматтардың  6%  діни карикатуралардың жариялануын қолдайтындықтарын білдірген. Ал 5% франциялық «Шарли Эбдо» журналы жариялаған Мұхаммед (с.а.у.) Пайғамбар туралы карикатураларды сөз еркіндігі деп ойлайды екен.

hibatulla.kz

Сайт материалын қолданғанда сілтеме көрсетуіңіз міндетті