Тұрар Рысқұлов ауданы Құмарық ауылдық орта мектебінің оқушыларымен «Имандылық – адамгершіліктің асыл қасиеті» атты дін мен дәстүрге байланысты іс-шара өткізілді. Іс-шараға «Құмарық» мешітінің имамы Тоқсанбаев Марат арнайы қатысып, дін мен дәстүрдің сабақтастығы, имандылықтың сатылары жайында кеңінен жалпақ тілмен баяндап берді.

 Ауыл имамы сөзінің бірінде: «Қоғамдағы бүгінгі күнгі ең басты мәселе – жас ұрпақты адамгершіліктің ең биік шыңы – имандылыққа , жат діни ағымдардың құрығына түсіп қалуына жол бермеу, оған қарсы тұру. Ислам дінінің адам өміріндегі орны мен қазақ халқының дүниетанымындағы, тұрмыс – тіршілігіндегі рухани құндылықтарының көркем мәтіндеріндегі ғұламаларымыздың тәрбиелік өсиеттерін түсіндіру.

Ислам дінінің негізі болып саналатын хадистер мен сүннеттердегі құндылықтарды салт – дәстүр, әдет – ғұрып тәрбиелерімен сабақтастырып жастардың бойына сіңіре отырып, тілін, дінін сүйюге, ата-ананы құрметтеуге, сабырлылыққа, төзімділікке, жат әдеттерден сақтануға тәрбиелеу, - деп қоса кетті.

Қуаныш Тузелбеков

Рысқұлов аудандық мешіттің баспасөз қызметі