Шу аудандық орталық "Жәми" мешітінде жамағатқа арналған кешкілік уағыз дастарханы жайылды. Шарада аудан бас имамы Бахтияр Амиреев "Білімнің артықшылығы" тақырыбында әсерлі уағыз айтты. 

"Білім – ақ пен қараны ажырататын, адам баласының көзін ашатын Алла Тағаланың адам баласына берген үлкен сыйы. Білім – ақыл мен парасаттың белгісі. Расында ислам дінінің адамзат баласына қоятын ең басты талабы білім алу және іздену.  Жалпы Құранда «білу» деген мағынаға саятын «илм» түбірінен туындаған 780 сөз кездеседі" - деп атап өтті бас имам өз насихатында. 

Көпшілік көкейкесті сауалдарын қойып, дәйекті жауаптар алды. Ас басында айтылған насихат жамағатқа ерекше ой түйдірді.

Шу аудандық "Жәми" мешітінің баспасөз қызметі