Тұрар Рысқұлов ауданы Қарақыстақ ауылы «Бәйдібек баба» мешітінің имамы Сұлтанов Қайсар ауылдың орта мектебінің 9, 10, 11 сынып оқушыларына ихсан ілімі бағыты бойынша «Ата ананың қадірі» атты рухани тақырыпта ағарту - насихат жұмысын жасады.
Қайсар имам сөз басында ата-анаға жақсылық қылу турасында Құраннан мына бір аятқа тоқталды: «Аллаға құлшылық қылыңдар. Оған еш нәрсені ортақ қоспаңдар. Және әке-шешеге жақсылық қылыңдар». Аяттың қысқаша түсіндірмесі: Алланың жалғыз екеніне иман келтіріңдер Оны ұлықтаңдар Оған серік қоспаңдар. Сендерді өсіріп, өндірген ата-аналарыңа жақсылық жасауды, қарайласуды өсиет етемін.
Кездесу соңында мектеп ұжымы Қайсар имамға алғыс айтып, шығарып салды.
Қуаныш Тузелбеков
Рысқұлов аудандық мешіттің баспасөз қызметі