Аудандық "Қордай мешітінде ҚМДБ Әйел-қыздар секторының өңірдегі ұстазы Эльмира Есімқараеваның ұйымдастыруымен "Тәуелсіздік - Алла сыйы" атты рухани кеш өтті. 

Кеш барша мұсылмандарға, саяси құрдымға ұшырағандарға, желтоқсан оқиғасына қатысқан адамдарға Құран оқып, сауабын бағыштаумен ашылды.

Іс-шараға аудан орталығының әйелдер жамағаты, шәкірттер, әжелер алқасы қатысты. Жиында тәуелсіздік тақырыбы ашылып, оның қандай нығмет екені түсіндірілді.

Шәкірттер тәуелсіздік туралы монолог, өлеңдер оқыды. Жамағатқа білімін ұштау мақсатында сұрақ-жауап ойыны жүргізілді. Нәзік жандылар іс-шарадан отанға деген махаббат сезімін оятып, Аллаға шүкірліктері артып қайтқанын жеткізді. 

Аудандық "Қордай мешітінің баспасөз қызметі