Сауытбек ауылы "Асайын кәлпе" мешітінде "Тоғай" мешітінің имамы Мағжан Мұратұлы құптан намазында жамағатқа уағыз айтып, намаз өткізді.

Имамдар ауыл мешіттерін аралап, уағыз айтуы жамағаттың жан-жақты білім алуларына жасалған жол. Осылайша, Тоғай ауылынан ат артып келген имам көпшілікке тақырып бойынша қойған сауалдарына дәлелді жауаптар беріп, алғыс алып қайтты. 

Пайғамбарымыздың «Дін деген – ол насихат» дегенін ескерсек, мұндай насихаттың, уағыздың көпшілікке берер рухани байлығы мен иманының күшеюіне қосар үлесі зор.

Шу аудандық "Жәми" мешітінің баспасөз қызметі