Меркі аудандық «Меркі ата» мешітінде 1986 жылы  желтоқсан қозғалысы кезінде құрбан болғандарды еске алып, рухтарына құран бағышталды.

Еске алу шарасы Меркі ауданының бас имамы Азамат Берікұлының бастамасымен жүзеге асты. Өңірдегі барлық мешіт имамдары мен жамағаты аудандық «Меркі ата» мешітіне жиналып, Елімізге белгілі қари Ғазиз Ахмет ұстаз құран оқып, ел тәуелсіздігін аңсап кеткен боздақтардың рухына дұға бағышталды.

Имамдар мен жиналған жамағат халқымыздың бірлігі мен ынтымағы мықты, тәуелсіз еліміздің мәртебесі қашанда биік болуын тілеп дұға жасады.

Меркі аудандық «Меркі ата» мешітінің баспасөз қызметі