Облыстық "Һибатулла Тарази" мешітінде өткен қала, аудан имамдарының жылдық есебінен соң дін қызметкерлері спорттық ойында бас қосты. 

ҚМДБ-ның Жамбыл облысы бойынша бас имамы Бейбіт Мырзагелдиев бастаған облыстық "Һибатулла Тарази" мешітінің қызметкерлері, қала, аудан бас имамдары 3 топқа бөлініп, тартысты ойын көрсетті. Топ аттары да тарихи терең мағынаға ие.

Атап айтсақ, "Тираз" құрамасы - Талас, Тараз атауының ежелгі кезеңдегі қолданысы, "Атлах" құрамасы - Тараз маңындағы кішкене қалашық. Ислам дінінің Орта Азияда тарауына септік болған Атлах шайхасын еске түсіреді. Үшінші топ "Қозыбасы" - Мұхаммед Хайдар Дулатидің «Тарихи Рашиди» кітабында Қазақ хандығының құрылған жері - Шу бойы мен Қозыбасы деп айтылатынын еске салайық.

Аталған спорттық шара имамдардың ауызбіршілігін арттыру, салауатты өмір салтын сүннет бойынша ұстану мақсатында жасалып отыр.

Ақерке БЕКҚҰЛОВА

 "Һибатулла Тарази" мешітінің баспасөз қызметі