Беларусиядағы мұсылман қыз-келіншектерге қазіргі уақытта жеке куәлік құжатына хиджаб киіп суретке түсулеріне тиым салынып отыр.  Бұл туралы Минск қаласындағы конфессияаралық Дін істері  кеңесі мәлімдеді. 

Енді төлқұжаттар мен жеке куәліктерге  хиджаб киіп, шәлі оранып, қалпақ киіп суретке түсуге тиым салынды. 

Отырысқа қатысқан Беларусияның Бас мүфтиі  Али Воронович Кеңесте талқыланған бұл шешімге қарсы екенін жеткізді. Сонымен қатар, мұсылман қыз-келіншектер орамал тағып жүруі керек екенін және бұл шешім мұсылмандарға ауыр тиетінін айтса да, Бас мүфтидің сөзі Кеңестің басқа мүшелері тарапынан қолдау таппады.