Швейцарияның солтүстік-шығысында орналасқан Сент-Галлен қаласындағы мектептерде оқушы қыздардың орамал тағуына қарсы шешім қабылдаған сот бұл шешімін өзгертті.

Орамалға қатысты дау  оқу орындарының біріне орамал тағып келген 13 жасар қызды сабаққа кіргізбей қоюынан басталған болатын. 

13 жасар қыздың қорғаушысы келтірген Еуропа конвенциясы мен Швейцария заңнамасында  көрсетілгендей, бұл тиым адам құқықтарына қатысты әр азаматтың дін еркіндігіне шектеу қояды деген дәйектерін алға тартып,  Швейцария соты мектеп оқушысын сабаққа орамалмен кіргізбей қоюды негізсіз және заңсыз деп таныды.  

Сонымен қатар, «Ормал таққаннан ешкімге ешқандай зиян келмейді, орамал тағуға  тиым салу мұсылмандардың құқығын шектеу» - дейді сот.